اسلام آباد(نیشنل ٹائمز)غیر ملکی خبررساں ایجنسی کے مطابق یہ جنوری میں غزہ جنگ بندی کے بعد اسرائیلی علاقے میں پہلا مہلک حملہ تھا۔یہ واقعہ ایسے وقت میں پیش آیا جب ایک روز قبل اسرائیل نے غزہ کی پٹی میں امداد کی ترسیل روک دی تھی جس کے بعد غزہ میں جنگ بندی کی توسیع کے حوالے سے شبہات پیدا ہوگئے ہیں۔آج ہونے والا حملہ حیفا کے ایک بس اور ٹرین اسٹیشن پر ہوا، حیفا شہر میں یہودی اور عرب آبادی ساتھ رہتی ہے۔اسرائیل کی ایمرجنسی ریسکیو سروس کے مطابق حملے کے بعد ایک تقریباً 70 سالہ شخص موقع پر ہی دم توڑ گیا، جبکہ 4 دیگر افراد زخمی ہوئے۔خبررساں ایجنسی کے مطابق پولیس نے اسے ’دہشت گرد‘ حملہ قرار دیتے ہوئے کہا کہ حملہ آور کو ہلاک کر دیا گیا ہے، حکام نے حملہ آور کی شناخت اسرائیل کی دروزی عرب اقلیت کے ایک فرد کے طور پر کی ہے۔خیال رہے کہ گزشتہ روز اسرائیلی وزیر اعظم بنیامین نیتن یاہو نے اسرائیلی فوج کو شام میں دروزی آبادی کے دفاع کی تیاری کرنے کے احکامات دیے تھے۔
اسرائیلی شہر حیفا میں چاقو حملے کے نتیجے میں ایک شخص ہلاک، 4 زخمی
