اسلام آباد (نیشنل ٹائمز) متحدہ عرب امارات کے ویزا حصول کے خواہشمندان کے لیے سفارت خانے نے ویزا معلومات دوبارہ جاری کر دیں۔

متحدہ عرب امارات سفارت خانہ کے ترجمان کے مطابق متحدہ عرب امارات کی سب درخواست دہندگان کے کیے ویزا پراسیس فیس 69 امریکی ڈالرز فی کس ہے, ماسواے ملازمت ویزا کے تمام ویزوں بشمول وزٹ, سیاحتی و فیملی ویزا کے لئے درخواست دہندہ خود آن لائن اپلائی کرے گا, ویزا اپلائی کرنے کے بعد درخواست دہندہ کو سفارت خانہ/ ویزا سینٹر طلب کرنے کا نوٹیفکیشن بھیجا جائے گا۔

جاری ہدایات کے مطابق درخواست دہندہ کو ویزا اپلیکیشن دستاویز کا ثبوت ساتھ رکھنا ہو گا, درخواست دہندہ کو اپنی/ والدین/ سپانسر کی گذشتہ 6 ماہ کی دستخط/مہر شدہ بنک اسٹیٹ مینٹ ساتھ رکھنا ہو گی، اس کے علاوہ دستخط/مہر شدہ بنک اسٹیٹ مینٹ میں 5 ہزار امریکی ڈالرز یا مساوی رقم ہونا ضروری ہے۔ ہوٹل ریزرویشن, گھر, احباب یا رشتہ دار کے گھر کی دستاویز ساتھ لانا ہو گی, سفارت خانے یا ویزا سینٹر آتے ہوئے کنفرمڈ ریٹرن ائیر ٹکٹ ساتھ لانا ہو گا ۔ اصلی قومی شناختی کارڈ یا پاسپورٹ ساتھ لانا ہو گا, اصلی قومی شناختی کارڈ یا پاسپورٹ کا کم از کم 6 ماہ کے لیے ویلڈ ہونا ضروری ہے۔ 69 امریکی ڈالرز فی ویزا درخواست مخصوص الفلاح بنک اکاونٹ میں جمع کرانا ضروری ہو گا, اس جمع شدہ ویزا فیس کی اصلی رسید سفارت خانہ یا ویزا سینٹر آتے ہویے ساتھ لانا ضروری ہے ۔

متحدہ عرب امارات سفارت خانہ کے ترجمان کا کہنا ہے کہ 5 برس سے کم عمر بچوں کے لیے ویزا سینٹر آنا ضروری نہیں ہے، 5 برس سے کم عمر بچوں کے لیے صرف سفید بیک گراونڈ کے ساتھ پاسپورٹ سائز تصویر ضروری ہو گی, تصویر میں دھوپ والے چشمے نہیں ہونا چاہیں, تصویر میں وہ باقائدہ طور پر مناسب انداز میں تشریف رکھے ہوں۔ اس کے علاوہ 6 برس سے 15 برس کے بچوں کے لیے تصویر لانے کی ضرورت نہیں ہے, ان بچوں کی تصویر ویزا سینٹر میں ہی لی جائے گی۔ 15 برس یا اس سے زائد عمر کے بچوں کآ ویزا سینٹر آنا ضروری ہو گا, ان بچوں کآ سارا پراسیس بالغ افراد کی طرح ویزا سینٹر میں ہی ہو گا ۔

یہ مندرجہ بالا دستاویز مکمل کرنے کے بعد 5 برس اور اس سے زائد الالعمر افراد ویزا سینٹر کا دورہ کریں گے ، 5 برس اور اس سے زائد الالعمر افراد کا ویزا سینٹر میں بائیو میٹرک اور ویزا پراسیا مکمل کیا جائے گا ۔