اسلام آباد(نیشنل ٹائمز)ذرائع کے مطابق بشریٰ بی بی خیبرپختونخوا میں ہونے والی مختلف ملاقاتوں اور سیاسی فیصلوں میں شریک ہیں۔ بشریٰ بی بی نے مذاکراتی عمل سے متعلق بھی رہنماؤں سے مشاورت کی ہے۔ذرائع کا کہنا ہے کہ بانی پی ٹی آئی کو گزشتہ ہفتے رہنماؤں نے بشریٰ بی بی کی مداخلت سے آگاہ بھی کیا تھا جس پر بانی پی ٹی آئی نے بشریٰ بی بی کو سیاسی فیصلوں سے دور رہنےکو کہا تھا۔ذرائع کے مطابق بشریٰ بی بی کی جانب سے بانی پی ٹی آئی کے احکامات کے باجود سیاسی مصروفیات پرپارٹی رہنماؤں کو تشویش ہے۔ذرائع کا کہنا ہےکہ پارٹی رہنما بانی پی ٹی آئی سے آئندہ ملاقات میں بھی بشریٰ بی بی کی مداخلت پربات کریں گے۔