سیئم ریپ، کمبوڈیا (شِنہوا) کمبوڈیا-چین دوستی میلہ 2024  کمبوڈیا کےشمال مغربی صوبے سیئم ریپ  میں منعقد ہوا جس کا مقصد دونوں ممالک کے عوام کے درمیان دوستی کے رشتوں مضبوط کرنا تھا۔

تقریب کے تقریباً 180 شرکاء سے خطاب میں کمبوڈیا کے مستقل نائب وزیر اعظم اور کابینہ کے وزیر وانگسی ویسوتھ نے کہا کہ یہ میلہ لوگوں اور خاص کر  نوجوانوں کے درمیان رابطوں کے فروغ کے لیے مفید  ہےجس سے انہیں دونوں ممالک کی ثقافت اور روایات کو جاننے کا موقع ملے گا۔

انہوں نے مزید کہا کہ یہ میلہ دونوں ممالک کے نوجوان کاروباری افراد کے لیے دوستی، اعتماد اور باہمی افہام و تفہیم پیدا کرنے اور اس کے ساتھ ساتھ  کمبوڈیا-چین آزاد  تجارتی معاہدے (سی سی ایف ٹی اے) کے تحت سرمایہ کاری اور کاروباری مواقع تلاش کرنے کاایک پلیٹ فارم بھی تھا۔

ویسوتھ نے کہا کہ چین ایک اچھا دوست ہے جس پر کمبوڈیا بھروسہ کر سکتا ہے اور ہماری آہنی دوستی کو ختم نہیں کیا جاسکتا ہے۔

انہوں نے اس یقین کا اظہار کیا کہ یہ میلہ لوگوں کے درمیان دوستی کے رشتے مزید مضبوط کرنے کے ساتھ ساتھ دونوں ممالک کے درمیان کاروبار، سیاحت اور ثقافت میں تعاون کو فروغ دے گا۔