اسلام آباد (نیشنل ٹائمز) رحمان میڈیکل انسٹی ٹیوٹ، پاکستان انٹرنیشنل ایئر لائن اور اسکائی ٹریولز کے مابین افغانستان سے علاج کیلئے پاکستان آنے والے مریضوں کو جدید طبی سہولیات فراہم کرنے کی غرض سے معاہدے پر دستخط کیے گئے۔ معاہدے کے تحت افغان مریضوں کا رحمان میڈیکل انسٹی ٹیوٹ کے جانب سے کم لاگت پر بہترین علاج کیا جائے گا جس کے تحت کم لاگت میں سرجری/ آپریشن بھی شامل ہیں، تاکہ زیادہ سے زیادہ مریضوں کو صحت کی سہولت میسر آسکے۔ معاہدے پر دستخط کے موقعے پر پی آئی اے کے چیف ایگزیکٹیو آفیسر ایئر مارشل ارشد ملک، رحمان میڈیکل انسٹی ٹیوٹ کے چیف ایگزیکٹیو آفیسر شفیق الرحمان، محمد ریضا قاسمی، مینیجنگ ڈائریکٹر اسکائی ٹریولز، رحمان میڈیکل انسٹی ٹیوٹ ہیڈ آف مارکیٹنگ طراب گیلانی، رحمان میڈیکل انسٹی ٹیوٹ ہیڈ آف ڈیپارٹمنٹ طارق خان موجود تھے۔ تقریب کے دیگر شرکا میں سرکاری اور میڈیا نمائندوں کے علاوہ ڈاکٹروں نے بھی شرکت کی۔