اسلام آباد(نیشنل ٹائمز)پولیس کے مطابق گرفتار ملزمان سے 8 موبائل فون، 2 پستول اور رکشا برآمد ہوا ہے اور گرفتار ملزمان میں گینگ کا سرغنہ رحیم بخش، ساتھی صابر،عاشق اور آصف شامل ہیں۔ پولیس نے بتایاکہ ملزم آصف مختلف مقامات سے سواریاں اٹھاتا تھا اور مسافر کے پاس موجود کیش اور قیمتی سامان کی اطلاع گینگ سرغنہ کو کوڈ ورڈ میں دیتا تھا۔گینگ سرغنہ رحیم بخش جیل میں 18 سال سزا کاٹ کر آیا ہے۔ پولیس کے مطابق رحیم بخش نے ساتھی سمیت کورٹ سے فرار ہوتے وقت پولیس اہلکار کو شہید کیا تھا اور جیل سے باہر آتے ہی نیا گینگ تشکیل دیا تھا۔