اسلام آباد(نیشنل ٹائمز)حکومتی وزرا کا الیکشن کمیشن سے متعلق بیان۔ پیپلزپارٹی نے وزرا کے بیانات کو آئینی ادارے پر براہ راست حملہ قرار دے دیا۔پیپلزپارٹی کے سینئر رہنما نے کہا کہ وزرا کی پریس کانفرنسز خود مختار اور آئینی ادارے کو کمزور کرنے کے مترادف ہے۔وفاقی وزراء کے بیانات آئینی ادارے کو دباو میں لانا ہے۔الیکشن کمیشن اپنے اختیارات استعمال کرتے ہوئے متعلقہ وزرا کے بیانات کا نوٹس لے۔وفاقی وزراء آئندہ انتخابات میں اپنی ناکامی کو دیکھ کر بوکھلاہٹ کا شکار ہو چکے ہیں۔ وزراء الیکشن کمیشن کے ڈسکا سمیت دیگر فیصلوں کا انتقام لینا چاہتے ہیں؟ ۔نااہل حکومت کو فنڈنگ کیس بھی ثابت ہوتے ہوئے نظر آ رہا ہے۔وزراء اس طرح کے بیانات دیکر الیکشن کمیشن سے رعایت لینے کے حربے استعمال کر رہے ہیں۔پیپلزپارٹی ملک کے آئینی اور خود مختار ادارے کے ساتھ کھڑی ہے۔پیپلزپارٹی حکومت کو الیکشن کمیشن کو ڈکٹیٹ کرنے کی کسی صورت اجازت نہیں دے گی۔آئی ایم ایف ملازمین حکمرانوں کا قومی شاہرائیں ہوائی اڈے گروی رکھنا مخصوص ایجنڈے پر عمل پیرائی کی گواہی ہے۔حکومت قومی شاہرائین گروے رکھنے سے متعلق اپنے فیصلے پر نظرثانی کرے۔