اسلام آباد(نیشنل ٹائمز) توشہ خانہ ٹو کیس میں سابق وزیراعظم اور بانی پاکستان تحریک انصاف عمران خان اور ان کی اہلیہ بشریٰ بی بی کے خلاف فرد جرم کی کارروائی ایک بار پھر مؤخر کر دی گئی۔
سپیشل جج سنٹرل شاہ رخ ارجمند کی رخصت کے باعث آج عدالت میں کوئی کارروائی نہ ہو سکی، جس پر کیس کی آئندہ سماعت 29 اکتوبر تک ملتوی کر دی۔
عدالت اب آئندہ سماعت پر سکیورٹی انتظامات کے ساتھ فرد جرم عائد کرنے کی کارروائی مکمل کرے گی۔
