اسلام آباد(نیشنل ٹائمز)ایوان بالا میں اسلام آباد دارالخلافہ کے بزرگ شہریوں کا بل 2021منظورکر لیا گیا۔ پیر کو ایوان بالا کے اجلاس کے دوران وفاقی وزیر برائے انسانی حقوق ڈاکٹر شیریں مزاری نے یہ بل پیش کیا۔ چیئرمین سینیٹ صادق سنجرانی نے بل کی شق وار منظوری لی۔ ایوان نے سینیٹر میاں رضا ربانی کی ترامیم اور سینیٹر مشتاق احمد کی ایک ترمیم بل میں شامل کرنے کی منظوری دی۔ بعد ازاں ایوان نے بل منظور کرلیا۔