تہران (نیشنل ٹائمز) ایران کے وزیر خارجہ سید عباس اراغچی نے کہا ہے کہ اسرائیل کے خلاف ایرانی فوجی کارروائی مکمل ہو گئی ہے۔انہوں نے یہ بات سوشل میڈیا پلیٹ فارم ایکس پر ایک پوسٹ میں اسرائیل کے اندر اہداف پر ایران کے میزائل حملے کی وضاحت کرتے ہوئے کہی۔انہوں نے کہا کہ ایران نے اقوام متحدہ کے چارٹر کے آرٹیکل 51 کے تحت “اپنے دفاع کا استعمال کیا”، “غزہ اور لبنان میں نسل کشی کے ذمہ دار صرف فوجی اور سکیورٹی مقامات کو نشانہ بنایا۔انہوں نے مزید کہا کہ ایران نے غزہ میں جنگ بندی کے لیے تقریبا دو ماہ تک انتہائی تحمل کا مظاہرہ کرنے کے بعد یہ قدم اٹھایا ہے۔انہوں نے کہا کہ ایران کا یہ اقدام اس وقت تک ختم کر دیا گیا جب تک اسرائیل “مزید جوابی کارروائی کی دعوت” دینے کا فیصلہ نہیں کرتا، ایسیمنظر نامے میں تہران کا ردعمل “زیادہ مضبوط اور طاقتور” ہوگا۔اراغچی نے کہا کہ اسرائیل کے “حامیوں پر اب ان کی حماقتوں میں ملوث ہونے کے بجائے تل ابیب میں جنگی جنون پر قابو پانے کی ذمہ داری بڑھ گئی ہے۔