اسلام آباد(نیشنل ٹائمز) اسلام آباد کی احتساب عدالت نے 190 ملین پاو¿نڈ کرپشن کیس میں عمران خان کے قریبی ساتھی اشتہاری ملزم زلفی بخاری کی جائیدادیں قرق کرنے کا حکم دیدیا، جج ناصر جاوید رانا نے نیب کی درخواست منظور کرتے ہوئے زلفی بخاری کی جائیدادیں قرق کرنے کا فیصلہ سنایا۔عدالت کی جانب سے زلفی بخاری کی 1210 کنال 12 مرلہ کی پراپرٹی ضلع اٹک میں ہے جس میں سے زلفی بخاری کی اٹک میں 91 کنال 10 مرلہ زمین بھی قرق کرنے کا حکم دیا گیا۔
زلفی بخاری کا 30 کنال کا پلاٹ جبکہ اسلام آباد کا دوسرا چار کنال کا پلاٹ بھی بحق سرکار ضبط کرنے کا حکم دیا گیا۔خیال رہے کہ گزشتہ روزاسلام آباد کی احتساب عدالت نے سابق وزیر اعظم عمران خان کی 190 ملین پاو¿نڈ ریفرنس میں درخواست بریت مسترد کردی تھی۔

ریفرنس کی سماعت احتساب عدالت کے جج ناصر جاوید رانا نے اڈیالہ جیل میں کی تھی۔ عدالت نے وکلا صفائی کو کل نیب تفتیشی افسر پر جرح کرنے کا حکم بھی دے دیا تھا۔

سابق وزیراعظم کی اہلیہ بشریٰ بی بی کی درخواست ضمانت پر فیصلہ پہلے ہی مرکزی ریفرنس کے ساتھ منسلک ہے۔احتساب عدالت نے 190 ملین پاو¿نڈ ریفرنس میں بانی پی ٹی آئی عمران خان کی بریت کی درخواست مستردکردی تھی۔ریفرنس کی سماعت احتساب عدالت کے جج ناصر جاوید رانا نے اڈیالہ جیل میں کی، عمران خان اور بشریٰ بی بی کو کمرہ عدالت میں پیش کیا گیا تھا۔
ریفرنس کے آخری گواہ تفتیشی افسر میاں عمر ندیم پر آج جرح نہ ہوسکی تھی۔دوران سماعت بانی پی ٹی آئی کے وکلا نے عمران خان کی بریت کی درخواست پر دلائل دئیے تھے۔وکیل ظہیر عباس کا کہنا تھا کہ نیب ترامیم فیصلے کے بعد یہ کیس بنتا ہی نہیں تھا۔ نیب ترامیم کی روشنی میں کابینہ کے فیصلوں کو تحفظ حاصل ہے، عمران خان نے براہ راست کوئی مالی فوائد حاصل نہیں کئے تھے۔نیب پراسیکیوٹر نے مو¿قف اپنایا تھاکہ عمران خان نے کابینہ کو مِس گائیڈ کیا گیاتھا۔ کابینہ کے سامنے 190 ملین پاو¿نڈ سے متعلق اصل حقائق کو چھپایا گیا تھا۔