اسلام آباد (نیشنل ٹائمز) مسلم لیگ( ن) کے رہنماسینیٹرطلال چوہدری نے کہا ہے کہ پی ٹی آئی والے ایک عرصے سے جلسہ ،جلسہ کاراگ الاپ رہے ہیں،ایک بیان میں انہوں نے کہا کہ پی ٹی آئی کئی گروپوں میں تقسیم ہوچکی ہے،ہرگروپ پی ٹی آئی پرقبضہ کرنے کیلئے ہاتھ پاؤں ماررہاہے،پی ٹی آئی والے دن رات رنگ برنگی بڑھکیں مارتے ہیں،رنگ بازی اورشعبدہ بازی کرناچاہتے ہیں،جلسہ ضرورکریں لیکن آئین وقانون کے دائرہ سے باہرنہ نکلیں،انتظامیہ پرامن جلسے کیلئے پوری مددفراہم کرے گی،جلسے کے دوران آئین وقانون کی خلاف ورزی کرنیوالوں سے قانون کے مطابق نمٹاجائیگا،ماضی میں اسلام آبادکے امن کوخراب کرنے کی کوشش کی گئی،اسلام آبادمیں جلسوں ،دھرنوں کے دوران کاروبارزندگی کومفلوج کیاگیا،جلسے کی جگہ شعبدہ بازی کررہے ہیں،پی ٹی آئی کاہررہنمابڑھکیں ماررہاہے،خیبرپختونخواحکومت اپنی 6ماہ کی کارکردگی توعوام کوبتائے،وزیراعلیٰ بتائیں 6 ماہ کی حکومت میں عوام کوکیاسہولیات دیں،خیبرپختونخوا کے عوام کے پیسوں سیکرینیں لاکراسلام آبادپرچڑھائی کی اجازت نہیں دی جائیگی،دوسروں پرسوال اٹھانے کی بجائے بتایاجائے کہ 13 سالہ حکومت میں خیبرپختونخوامیں کیاکیا جواب دیاجائے کہ خیبرپختونخوامیں سب سے زیادہ بدامنی کیوں ہے؟۔