اسلام آباد(نیشنل ٹائمز)پارلیمنٹ کا مشترکہ اجلاس کل بلانے کا فیصلہ کر لیا گیا نجی ٹی وی نے پارلیمانی ذرائع کے حوالے سے بتایا ہے کہ وزیر اعظم شہباز شریف کی ایڈوائس پر صدر مملکت آصف علی زرداری نے مشترکہ اجلاس طلب کیا ہے. اجلاس میں قانون سازی کے لیے متعدد بلز پیش ہوں گے، یہ بلز سینیٹ اور قومی اسمبلی سے حکومتی بنچوں پر ممبران کی مطلوبہ تعداد نہ ہونے کی وجہ سے منظور نہیں ہو سکے تھے ذرائع کا کہنا ہے کہ مشترکہ اجلاس کی طلبی کا باقاعدہ نوٹیفکیشن تھوڑی دیر میں جاری ہو گا۔

یاد رہے کہ سینیٹ اور قومی اسمبلی کے بعد حکومت نے پارلیمنٹ کے مشترکہ اجلاس بلانے پر غور شروع کر دیا تھا یاد رہے کہ گزشتہ روز اسپیکر قومی اسمبلی ایاز صادق نے سپریم کورٹ میں ججوں کی تعداد میں اضافے سے متعلق بل کو موخر کر دیا تھا. قومی اسمبلی اجلاس کے سپریم کورٹ کے ججوں کی تعداد بڑھانے سے متعلق ترمیمی بل پیش کیا گیا، بل حکومتی رکن بیرسٹر دانیال چوہدری نے پیش کیا ان کا کہنا تھا کہ آج ہماری آبادی 25 کروڑ سے زائد ہے، سپریم کورٹ میں زیر التوا مقدمات کی تعداد 54 ہزار سے بھی زیادہ ہے۔
انہوں نے بتایا کہ ترمیمی بل کا مقصد فوری انصاف کی فراہمی کو یقینی بنانا ہے بعد ازاں تحریک انصاف نے بیرسٹر دانیال کے بل کی مخالفت کرتے ہوئے کہا کہ اس بل کی منظوری سے قومی خزانے پر اضافی بوجھ پڑے گا ‘تحریک انصاف کے چیئرمین بیرسٹرگوہرعلی کی جانب سے کیسوں کی جلد سماعت کے لیے اعلی اور ماتحت عدلیہ کے ججوں کی چھٹیاں کم کرنے کی تجویزپیش کی گئی تھی۔