بغداد(نیشنل ٹائمز) امریکی اور عراقی فورسز کے عراق میں داعش کے ٹھکانوں پر حملے میں 15 جنگجو ہلاک ہو گئے۔مشترکہ کارروائی کے دوران 7 امریکی فوجی بھی زخمی ہوئے۔عراقی فورسز کا کہنا ہے کہ امریکی اور عراقی فورسز نے کارروائی انبار صحرا میں کی۔امریکی فوج کے سینٹرل کمانڈ نے دعویٰ کیا کہ حملے کے دوران جنگجوئوں کے پاس متعدد ہتھیار، دستی بم اور خودکش دھماکا خیز بیلٹس موجود تھیں۔امریکی فوج کے سینٹرل کمانڈ کا کہنا ہے کہ اس آپریشن کا مقصد داعش کے رہنماوں کو نشانہ بنا کر ان کی منصوبہ بندی، تنظیم اور حملوں کی صلاحیت کو کمزور کرنا تھا۔امریکی فوج کے سینٹرل کمانڈ نے کہا کہ داعش کی جانب سے یہ حملے عراقی اور امریکی شہریوں، اتحادیوں، خطے اور اس سے باہر کے شراکت داروں کے خلاف کئے جا سکتے تھے۔
امریکی و عراقی فورسز کے حملے، 15 داعش جنگجو ہلاک،7امریکی فوجی زخمی
