اسلام آباد (نیشنل ٹائمز) اسپیکر قومی اسمبلی سردار ایاز صادق نے کہا ہے کہ رواں ہفتے اسمبلی سیشن میں بات ہوگی کہ چیف جسٹس کی مدت ملازمت میں توسیع کی جائے یا نہیں۔ چیف جسٹس کی مدت ملازمت میں توسیع کے لیے تمام جماعتوں کواعتماد میں لیں گے۔ اپنے ایک بیان میں ایاز صادق نے کہا کہ نواز شریف کا ابھی تک باہر جانے کا کوئی ارادہ نہیں اگر وہ باہر گئے بھی تو واپس آئیں گے، پارٹی انہوں نے ہی چلانی ہے۔اسپیکر قومی اسمبلی نے کہا کہ بانی پی ٹی آئی مذاکرات میں سنجیدہ نہیں، شہباز شریف اور بلاول بھٹو نے بار بار کہا ہے مذاکرات کرنے چاہئیں، خالد مقبول صدیقی، مولانا فضل الرحمان بھی مذاکرات کا کہتے ہیں۔