مستونگ (نیشنل ٹائمز) بلوچستان کے ضلع مستونگ میں دہشتگردوں کی لیویز تھانے پر قبضے کی کوشش کو ناکام بنادیا گیا۔لیویز حکام کے مطابق مستونگ کے علاقے بدرنگ میں مسلح افراد نے لیویز تھانے پر قبضے کی کوشش کی، اور تھانے کے اطراف میں فائرنگ کی گئی۔

لیویز حکام نے بتایا کہ لیویز اور سیکیورٹی فورسز نے فوراً جوابی کارروائی کی جس کے نتیجے میں حملہ آور فرار ہوگئے، جن کی تلاش کے لیے سرچ آپریشن جاری ہے۔علاقے اور قومی شاہراہ پر سیکیورٹی بڑھا دی گئی، جبکہ ٹریفک بحال ہے، حملے کے دوران کوئی جانی نقصان نہیں ہوا۔

واضح رہے کہ گزشتہ روز بلوچستان کے مختلف اضلاع میں کی گئی دہشتگردانہ کارروائیوں میں 39 افراد جاں بحق ہوگئے تھے۔