تہران(نیشنل ٹائمز) ایرانی صدر ابراہیم رئیسی کے ہیلی کاپٹر حادثے میں جاں بحق ہونے کی تحقیقات مکمل ہوگئیںاوراس حادثے میں کسی قسم کی مداخلت یا تخریب کاری کے امکان کو مسترد کردیاگیاہے اور حادثے کی وجوہات موسم کی خرابی اور زیادہ وزن کوقراردیاگیاہے۔ایرانی میڈیا نے ہیلی کاپٹر حادثے کی تحقیقات کی حتمی رپورٹ سے متعلق خبر سیکیورٹی ذرائع سے نشر کی ہے۔
سیکیورٹی ذرائع کے مطابق ابراہیم رئیسی ہیلی کاپٹر حادثے کی تحقیقات مکمل ہو گئیں، رپورٹ میں حادثے کی 2وجوہات کا تعین کیا گیا ہے۔ذرائع کے مطابق ہیلی کاپٹر حادثے کی پہلی وجہ موسم کی صورتحال سازگار نہ ہونا جبکہ دوسری وجہ یہ تھی کہ ہیلی کاپٹر زائد وزن اٹھانے کے قابل نہیں تھا۔سیکیورٹی ذرائع کے مطابق ایرانی صدر کے ہیلی کاپٹر میں گنجائش سے زائد 2افراد سوار تھے۔ایران کے سابق صدر ابراہیم رئیسی 19مئی کو ہیلی کاپٹر حادثے میں جاں بحق ہوئے تھے۔
