لاہور (نیشنل ٹائمز) قومی ٹیم کے وائٹ بال فارمیٹ کے کپتان بابر اعظم کو بنگلادیش کیخلاف 2 ٹیسٹ میچز کی سیریز میں اہم سنگ میل تک پہچنے کا موقع مل گیا۔ آئی سی سی ورلڈ ٹیسٹ چیمپئن شپ سائیکل میں بابر اعظم نے 2661 رنز بنا رکھے ہیں جو کہ کسی بھی پاکستانی بیٹرز سے زیادہ ہیں، بابر محض 3 ہزار رنز کا عندسہ عبور کرنے سے محض 339 رنز دور ہیں۔
وہ ورلڈ ٹیسٹ چیمپئن شپ سائیکل میں 3 ہزار رنز مکمل کرکے دنیا کے پانچویں کھلاڑی بن سکتے ہیں۔

انگلینڈ کے جو روٹ نے ڈبلیو ٹی سی کی تاریخ میں سب سے زیادہ 55 میچز میں 4598 رنز کیساتھ سرفہرست ہیں، آسٹریلیا کے مارنس لبوشین 45 میچز میں 3904، سٹیو سمتھ 45 میچز میں 3486 رنز کیساتھ تیسری پوزیشن پر موجود ہیں۔ انگلینڈ کے بین اسٹوکس 48 میچز میں 3101، عثمان خواجہ 32 میچز میں 2686 جب کہ بابر اعظم نے 29 میچز میں 2661 رنز بنا چکے ہیں۔

بابراعظم ورلڈ ٹیسٹ چیمپئن شپ کی تاریخ میں سب سے زیادہ رنز بنانے کی فہرست میں بھارت کے روہت شرما 2552 اور ویرات کوہلی 2235 سے آگے ہیں۔