راولپنڈی(نیشنل ٹائمز) سیکورٹی فورسز نے ضلع شمالی وزیرستان کے علاقے رزمک میں انٹیلی جنس معلومات کی بنیاد پر آپریشن کے دوران فتنہ الخوارج کے 3 خوارج کو جہنم واصل کردیا جبکہ ایک زخمی ہوگیا ، اسلحہ اور گولہ بارود بھی برآمد کرلیا گیا ۔پاک فوج کے شعبہ تعلقات عامہ کے مطابق سیکورٹی فورسز کی جانب سے جمعہ کے روز خوارج کی موجودگی کی اطلاع پرآپریشن کیا گیا جس کے دوران سیکورٹی اہلکاروں اور خوارج کے درمیان شدید فائرنگ کا تبادلہ ہوا، جس کے نتیجے میں 3 خوارج ہلاک ہوگئے، جب کہ ایک خوارج زخمی ہوگیا۔ ہلاک کیے گئے خوارج کے قبضے سے اسلحہ اور گولہ بارود بھی برآمد ہوا،۔ یہ دہشت گرد سیکیورٹی فورسز کے خلاف دہشت گردی کی کارروائیوں کے ساتھ ساتھ معصوم شہریوں کی ٹارگٹ کلنگ میں بھی سرگرم رہے ہیں ۔آئی ایس پی آر کا کہنا ہے کہ علاقے میں ممکنہ طور پر موجود مزید کسی خارجی کے خاتمے کیلئے آپریشن کلیئرنس جاری ہے ۔ سیکیورٹی فورسز ملک سے خوارج اور دہشت گردی کی لعنت کو ختم کرنے کے لیے پرعزم ہیں۔
سیکورٹی فورسز کا شمالی وزیرستان میں آپریشن، فتنہ الخوارج کے 3 خوارج جہنم واصل، ایک زخمی، اسلحہ اور گولہ بارود بھی برآمد کرلیا گیا ،آئی ایس پی آر
