اسلام آباد(نیشنل ٹائمز) حکومت نے لاپتہ افراد کے لواحقین کیلیے مالی اعانت اور بحالی گرانٹ دینے کا فیصلہ کر لیا ہے، نجی ٹی وی کے مطابق حکومتی ذرائع کاکہنا ہے کہ ہر لاپتہ فرد کے خاندان کو 50لاکھ روپے دیے جائیں گے،کابینہ اجلاس میں پیکیج کا اعلان کیاجائیگا،مسنگ پرسنز کے لواحقین کو دی جانے والی امداد معاوضہ نہیں،حکومتی ذرائع کاکہنا ہے کہ مسنگ پرسنز کے مسئلے کے حل کے لیے ہراقدام کو یقینی بنا رہے ہیں،لواحقین کو دی جانے والی امداد معاوضہ نہیں بلکہ بحالی کیلئے گرانٹ ہے، گزشتہ چندسالوں میں 78فیصدمقدمات حل ہوچکے ہیں،22فیصدمقدمات کے حل کیلیے تمام تر کوششیں جاری ہیں،تمام ریاستی ادارے اس سلسلے میں سخت اقدامات کررہے ہیں۔