تل ابیب(نیشنل ٹائمز) ترکیہ کے صدر رجب طیب اردوان کی جانب سے اسرائیل کو دی جانے والی دھمکی کے جواب میں اسرائیلی وزیر خارجہ یسرائیل کاٹز کا کہنا ہے کہ “اردوان ،صدام حسین کے نقش قدم پر چلتے ہوئے اسرائیل پر حملے کی دھمکی دے رہے ہیں، “ایکس” پلیٹ فارم پر پوسٹ میں کاٹز نے مزید کہا کہ “انھیں یہ یاد کر لینے دیں کہ وہاں کیا ہوا اور معاملہ کس طرح اختتام تک پہنچا”۔یسرائیل کاٹز نے اپنی پوسٹ میں ایردوآن اور سابق عراقی صدر صدام حسین کی سواری کی تصویر بھی منسلک کی۔اس سے قبل اتوار کے روز ترکی کے صدر رجب طیب اردوان نے کہا تھا کہ ترکی اسرائیل میں داخل ہو سکتا ہے جیسا کہ ماضی میں لیبیا اور نگورنو قرہ باخ میں داخل ہوا تھا۔