اسلام آباد (نیشنل ٹائمز) پاکستان مسلم لیگ (ن)کے رہنما میاں جاوید لطیف نے کہا ہے کہ عوامی حمایت حاصل کرنے والی جماعت پر نہیں دہشتگرد جماعت پر پابندی ہونی چاہیے۔ نجی ٹی وی سے گفتگو کرتے ہوئے میاں جاوید لطیف نے کہا کہ 70 فیصد یا 5 فیصد حمایت حاصل رکھنے والی جماعت پر بھی پابندی نہیں لگنی چاہیے۔اپنی بات جاری رکھتے ہوئے جاوید لطیف نے کہا کہ کسی بھی دہشتگرد جماعت پر پابندی ہونی چاہیے۔انکا کہنا تھا کہ 2013 کے الیکشن کو جواز بنا کر 2014 کا دھرنا کیوں اور کس کی ایما پر دیا گیا تھا؟ 2014 کے دھرنے کی ایک وجہ چینی صدر کو روکنے کی کوشش بھی تھی۔جاوید لطیف نے کہا کہ ہم نے سپریم کورٹ پر حملہ کیا تو بھگتا بھی تھا۔ بانی پی ٹی آئی نے کتنی بار عدالتوں پر حملے کئے کوئی ایف آئی آر ہوئی؟ \ن لیگی رہنما نے کہا کہ بدقسمتی سے مالیاتی ادارے جو معاشی ڈیل کرتے ہیں اختیار ان کے پاس بھی چلا گیا ہے۔