زیگرب (نیشنل ٹائمز) یورپی ملک کروشیا کے نرسنگ ہوم میں مسلح شخص کی فائرنگ سے 6افراد ہلاک جبکہ متعدد زخمی ہو گئے،برطانوی نشریاتی ادارے کی رپورٹ کے مطابق کروشیا کے شہر ڈاروور میں مسلح شخص کی فائرنگ سے نرسنگ ہوم کے ایک ملازم سمیت 6افراد جاں بحق جبکہ متعدد زخمی ہوگئے ہیں جن میں سے 4کی حالت نازک ہے،مقامی پولیس کے مطابق حملہ آور نرسنگ ہوم میں فائرنگ کرنے کے بعد فرار ہوگیا تھا جسے بعد میں ایک کیفے سے گرفتار کرکے اس کے قبضے سے غیر رجسٹرڈ اسلحہ بھی برآمد کیا گیا۔واضح رہے کہ کروشیا میں ماس شوٹنگ کے واقعات عام نہیں ہیں، پیر کے روز ہونے والا واقعہ 1991میں کروشیا کے آزادی کے اعلان کے بعد ملک میں ہونے والے بدترین واقعات میں سے ایک شمار کیا جا رہا ہے۔