کراچی (نیشنل ٹائمز) معروف اداکار یاسر حسین نے ایوارڈ شو میں اقرا عزیز کو شادی کیلئے پروپوز کرنے بارے سالوں بعد پردہ ہٹادیا۔یاسر حسین اور اقرا عزیز نے پسند کی شادی کی تھی اور اقرا کو شادی کیلئے پروپوز کرنے کیلئے یاسر نے ایک منفرد انداز اپناتے ہوئے 7 جولائی 2019 کو لکس اسٹائل ایوارڈز میں سب کے سامنے منگنی کی انگوٹھی پہنائی تھی۔اقرا عزیز کو پروپوز کرتے ہوئے یاسر حسین جذباتی ہوگئے تھے اور ان کے رخسار کا بوسہ بھی لے لیا تھا جسکو سوشل میڈیا صارفین نے تنقید کا نشانہ بنایا تھا۔یاسر حسین نے احمد علی بٹ کی پوڈکاسٹ میں شرکت کی جہاں انہوں نے پروپوزل کی حقیقت بتاتے ہوئے کہا کہ وہ پروپوزل پہلے ہی پلان کرلیا گیا تھا کیونکہ فریحہ الطاف لکس اسٹائل ایوارڈز کیلئے کچھ وائرل کانٹینٹ چاہتی تھیں جس کی ڈور محبت اور عشق سے جڑی ہو اور وہ جانتی تھیں کہ میں اقرا سے شادی کرنے والا ہو اس لیے ان کے ذہن میں یہ خیال آیا۔انہوں نے کہا کہ وہ مومنٹ لکس اسٹائل ایوارڈز کا آئیکونک مومنٹ اس لیے ثابت ہوا کیونکہ بعد میں ہم دونوں کی شادی بھی ہوگئی۔