اسلام آباد (نیشنل ٹائمز) وفاقی وزیر اور صدر استحکام پاکستان پارٹی عبدالعلیم خان نے بنوں میں سیکیورٹی اداروں کی بروقت کارروائی پر خراج تحسین پیش کرتے ہوئے کہا ہے پاک فوج نے دشمن کے ناپاک عزائم خاک میں ملا دیئے۔ وفاقی وزیر نجکاری وسرمایہ کاری عبدالعلیم خان نے ایکس پیغام میں کہا کہ سیکیورٹی فورسز نے بنوں میں بھرپور جوابی وار کرتے ہوئے دہشتگردوں کو کونے میں محصور کردیا پاک فوج نیدشمن کے دانت کھٹے کئے، دوبارہ کوئی ایسی مذموم کارروائی نہیں کرے گا۔عبدالعلیم خان کا کہنا تھا کہ قومی سلامتی کے ادارے دہشتگردی کو کچلنے اور دشمن کی بیخ کنی کیلئے ہردم تیار ہیں، ملکی سلامتی کو اپنی جانوں سے زیادہ عزیز رکھنے پر بہادر فوج کو قوم کی جانب سے بھی خراج عقیدت پیش کیا۔وفاقی وزیر نیک ہا ہمارے بچوں کے محفوظ مستقبل کیلئے جانوں کا نذرانہ دینے والے قوم کے ماتھے کا جھومر ہیں، پوری قوم پاک فوج کے شہدا اورغازیوں کی قربانیوں کو سلام عقیدت پیش کرتی ہے۔انھوں نے کہا کہ پیشہ وارانہ مہارت کے مظاہرے سے قوم اپنے عسکری اداروں پر نازاں ہے۔