بنکاک (نیشنل ٹائمز) جاپانی موٹر ساز فرم ‘ہونڈا’، جنوب ایشیائی ملک تھائی لینڈ میں اپنی پیداوار کو 50فیصد سے زیادہ کم کر رہی ہے۔ہونڈا کمپنی تھائی لینڈ میں موجود 2فیکٹریوں میں سے “آیوتھائیا” فیکٹری میں گاڑیوں کی اسمبلنگ 2025کے آخر تک ختم کر دے گی۔اس فیصلے کے ساتھ تھائی لینڈ میں ہونڈا کی پیداوار سالانہ 2لاکھ 70ہزار گاڑیوں سے کم ہو کر ایک لاکھ 20ہزار ہو جائے گی۔مذکورہ فیکٹری کچھ عرصے تک گاڑیوں کے اسپیئر پارٹس بنائے گی تاہم فرم کی “پارچینبوری ” فیکٹری اسیمبلنگ کا کام جاری رہے گا۔ ہونڈا کمپنی کے منتظمین کو تھائی لینڈ کی داخلی فروخت میں کوئی بہتری دِکھائی نہیں دے رہی۔واضح رہے کہ ہونڈا نے 1992میں تھائی لینڈ میں گاڑیوں کی پیداوار شروع کی تھی تاہم ملکی منڈی میں چینی گاڑیوں کی مانگ نے جاپانی فرموں کی فروخت پر منفی اثرات مرتب کئے ہیں۔