اسلام آباد(پی این آئی)پاکستان پیپلز پارٹی کے رکن قومی اسمبلی قادر پٹیل نے کہا ہے کہ مجید نیازی کا غیرمہذب انداز پی ٹی آئی کی تربیت کا اظہار ہے۔ پی ٹی آئی والے چاہتے ہیں کہ قومی اسمبلی میں عمران خان کو سخت ڈوزئیر ملے۔ مجید نیازی کی غیرپارلیمانی حرکت کیا خمیازہ عمران خان کو بھگتنا ہوگا۔ انہوں نے کہا کہ ہم چاہتے ہیں کہ قومی اسمبلی کا ماحول باوقار رہے مگر عمران خان کا ایجنڈا ہی قومی اسمبلی کے وقار کو پامال کرنا ہے۔ قادر پٹیل نے کہا کہ پی ٹی آئی والے بخوبی جانتے ہیں کہ وہ پہلی اور آخری بار قومی اسمبلی میں لائے گئے ہیں اس لئے وہ مخصوص ایجنڈا کے تحت پارلیمان کا وقار مجروح کر رہے ہیں۔