لندن (نیشنل ٹائمز) برطانوی ماہرین صحت نے شوگر کے مریض کے پا ئو ں کو کٹنے سے بچانے اور زخموں کا علاج مائیکرو ویوو سوئفٹ کے ذریعے کرنے کا حیران کن دعوی کیا ہے۔برطانوی نشریاتی ادارے کی رپورٹ کے مطابق ماہرین صحت نے شوگر کی وجہ سے پاوں میں شدید السر کے مریض کے دونوں پاوں کاٹنے سے بچا لیے اور ڈاکٹرز نے ان کا علاج جدید مائیکرو ویو سے کرکے انہیں صحت یاب کرلیا۔رپورٹ کے مطابق 74 سالہ مریض کے پاوں میں دو سال قبل شدید السر ہوا تھا اور ان کے دونوں پاوں میں شدید زخم ہوگئے تھے اور ان کی بیماری شوگر کی وجہ سے شدت اختیار کرتی جا رہی تھی اور ان کی ٹانگیں کاٹنے کے علاوہ کوئی چارہ نہیں تھا۔رپورٹ میں بتایا گیا کہ زیادہ تر ڈاکٹرز نے مریض کی دونوں ٹانگیں کاٹنے کی تیار کرلی تھی، تاہم ایک خاتون ڈاکٹر نے ان کے پاوں کے زخم دیکھنے کے بعد ان پر جدید طریقہ علاج آزمایا۔خاتون ڈاکٹر نے سوئفٹ مائیکرو ویو ٹیکنالوجی کے ذریعے مریض کے پاوں سے السر کے زخم ختم کیے اور مریض بلکل صحت یاب ہوگیا۔رپورٹ میں بتایا کہ خاتون ڈاکٹر نے مریض کے ایک پاوں پر سات بار جب کہ دوسرے پاوں پر محض تین بار مائیکرو ویو سوئفٹ کو آزمایا اور شوگر کے مریض کے پاوں سے زخم ختم ہوگئے اور وہ بلکل صحت یاب ہوگیا۔