لاہور(نیشنل ٹائمز) پنجاب کا 2600ارب سے زائد کا بجٹ 14جون کو پیش کیا جائے گا جو ٹیکس فری ہوگا جب کہ ترقیاتی بجٹ کا حجم 560ارب روپے رکھنے کی تجویز دی گئی ہے، ذرائع کے مطابق ترقیاتی بجٹ کی مد میں گزشتہ برس کی نسبت 60فیصد اضافہ کیاگیا ہے اور رواں سال ساڑھے 5ہزار ترقیاتی اسکیمیں مکمل کی گئیں، بجٹ میں سرکاری ملازمین کی تنخواہوں میں 10فیصد اضافے کی تجویز دی گئی ہے اور سیلز ٹیکس کی مد میں عوام کو بڑا ریلیف دینے کی تجویز ہے جس سے بجٹ میں عوام کو 50ارب روپے کا ریلیف ملنے کا امکان ہے، مزید 6شعبوں میں ٹیکس ریلیف دینے کی تجویز ہے اور ریسٹورنٹس میں کریڈٹ کارڈ سے ادائیگی کرنے والوں کو رعایت ملنے کا امکان ہے۔