بیجنگ (شِنہوا) چین میں قومی دن کی ایک ہفتے پر محیط تعطیلات کے دوران شاہراہوں پر نئی توانائی سے چلنے والی گاڑیوں (این ای وی) کی چارجنگ میں نمایاں اضافہ ہوا ہے۔
قومی توانائی انتظامیہ کے مطابق یکم سے 7 اکتوبر تک شاہراہوں پر این ای وی کی چارجنگ کا حجم 16 کروڑ 30 لاکھ کلو واٹ آور تک پہنچ گیا جبکہ روزانہ اوسط چارجنگ 2 کروڑ 32 لاکھ 60 ہزار کلو واٹ آور رہی جو گزشتہ سال کی اسی مدت کے مقابلے میں 51.42 فیصد زیادہ ہے۔
یہ اعداد و شمار چین میں این ای وی کی تعداد میں تیزی سے اضافے اور شاہراہوں پر چارجنگ کی سہولیات کے بڑھتے ہوئے نیٹ ورک کی عکاسی کرتے ہیں۔
چین دنیا کی سب سے بڑی این ای وی مارکیٹ ہے۔ این ای وی کی فروخت اور ان کی مجموعی تعداد میں مسلسل اضافہ ہو رہا ہے جس میں ایک جانب پرانی گاڑیوں کے بدلے نئی گاڑیاں خریدنے کے پروگراموں اور دوسری جانب مقامی طور پر تیار کردہ زیادہ مسابقتی ماڈلز نے بھی کردار ادا کیا ہے۔
سرکاری اعداد و شمار کے مطابق چین میں زیر ملکیت این ای وی کی مجموعی تعداد 4 کروڑ 89 لاکھ 70 ہزار تک پہنچ گئی ہے جو ملک میں موجود تمام گاڑیوں کا 13.19 فیصد ہے۔ 2026 کی پہلی ششماہی میں نئی رجسٹر ہونے والی گاڑیوں میں این ای وی کا حصہ تقریباً نصف رہا۔