بیجنگ (شِنہوا) چینی فوج اور چائنہ کوسٹ گارڈ (سی سی جی) نے بدھ کے روز ملک کے ہوانگ یان ڈاؤ کے گرد جنگی تیاری اور قانون کے نفاذ کے گشت کئے۔
چائنیز پیپلز لبریشن آرمی کے سدرن تھیٹر کمانڈ کے بحری اور فضائی یونٹس نے ہوانگ یان ڈاؤ کے علاقائی سمندر، فضائی حدود اور اس کے آس پاس کے علاقوں میں جنگی تیاری کے گشت کئے۔
تھیٹر کمانڈ کے ایک بیان میں کہا گیا ہے کہ اس نے ستمبر کے اوائل سے متعلقہ علاقوں میں گشت کے لئے اپنی افواج کو منظم کیا ہے۔
بیان کے مطابق گشت کا مقصد متعلقہ سمندری علاقوں اور فضائی حدود پر کنٹرول مزید بہتر بنانا اور ہر قسم کے حقوق کی خلاف ورزیوں اور اشتعال انگیزی کی کارروائیوں کے خلاف ایک موثر جوابی اقدام کے طور پر کام کرنا ہے۔
بیان میں مزید کہا گیا کہ ہوانگ یان ڈاؤ چین کا لازمی حصہ ہے اور اس کی فوج چین کی خودمختاری اور سلامتی کا بھرپور دفاع کرے گی اور جنوبی بحیرہ چین میں امن اور استحکام مضبوطی سے برقرار رکھے گی۔
چائنہ کوسٹ گارڈ نے بھی اس روز ہوانگ یان ڈاؤ کے علاقائی سمندر اور آس پاس کے علاقوں میں قانون کے نفاذ کے گشت کئے۔
چائنہ کوسٹ گارڈ نے بتایا کہ ستمبر کے اوائل سے قانون کے نفاذ کے لئے گشت بڑھا دیا گیا ہے، سی سی جی نے کہا کہ اس کی افواج نے گشت کے دوران قوانین اور ضوابط کے تحت حقوق کی خلاف ورزی کرنے والی سرگرمیوں میں ملوث جہازوں کو ضابطے کا پابند بنایا ہے۔
چائنہ کوسٹ گارڈ نے کہا کہ گشت کا مقصد متعلقہ پانیوں کا انتظام مزید مضبوط بنانا اور چین کی علاقائی خودمختاری، سمندری حقوق اور مفادات کا پورے عزم کے ساتھ دفاع کرنا ہے۔