بیجنگ (شِنہوا) چینی اکیڈمی آف سائنسز (سی اے ایس) نے 15ویں پانچ سالہ منصوبے (2026-2030) کے دوران اپنی ترقی کا منصوبہ جاری کر دیا ہے جس میں تین اہم شعبوں بنیادی تحقیق، اعلیٰ تزویراتی ٹیکنالوجیز اور پائیدار ترقی میں سائنسی و تکنیکی پیش رفت کے لئے ترجیحات مقرر کی گئی ہیں۔
منصوبے میں آنے والے برسوں کے لئے اکیڈمی کی سائنسی و تکنیکی سرگرمیوں کی رہنمائی کرنے والی تزویراتی ترجیحات کا تعین کیا گیا ہے اور مصنوعی ذہانت کی مدد سے سائنسی تحقیق کو مزید فروغ دینے کا عزم ظاہر کیا گیا ہے۔
منصوبے میں بنیادی سائنسی و تکنیکی صلاحیتوں کو مزید مضبوط بنانے اور سائنسی و تکنیکی تحقیق کے علاقائی نظام میں بہتر ہم آہنگی پیدا کرنے پر بھی زور دیا گیا ہے۔
دنیا کا اعلیٰ معیار کا تحقیقی ادارہ بننے کے مقصد کے تحت منصوبے میں تعلیم، سائنس و ٹیکنالوجی اور افرادی قوت کی مربوط ترقی، قومی سائنس و ٹیکنالوجی تھنک ٹینک کا قیام، تحقیقی اداروں میں اصلاحات اور انتظامی جدت، سائنسی و تکنیکی کامیابیوں کو عملی شکل دینے اور ان کے استعمال جبکہ بین الاقوامی سائنسی و تکنیکی تبادلوں اور تعاون سمیت مختلف شعبوں میں اصلاحات اور ترقی کے اہداف بیان کئے گئے ہیں۔