بیجنگ (شِنہوا)چینی پیپلز لبریشن آرمی (پی ایل اے) کی سدرن تھیٹر کمانڈ کے بحری اور فضائی یونٹس نے بحیرہ جنوبی چین میں چین کے ہوانگ یان داؤ کے اطراف سمندری پانیوں اور فضائی حدود میں مشترکہ تربیتی مشق کی۔
کمانڈ کے ایک بیان میں اتوار کو کہا گیا کہ یہ مشق بعض ممالک کی جانب سے کیے گئے ایسے اقدامات کے جواب میں کی جانے والی ایک ضروری کارروائی ہے جنہوں نے علاقائی امن اور استحکام کو نقصان پہنچایا ہے۔
بیان میں کہا گیا کہ تربیتی مشق کا مقصد چین کی علاقائی خودمختاری اور سمندری حقوق و مفادات کے تحفظ کے لیے جنگی صلاحیتوں کو جانچنا اور بہتر بنانا ہے۔
چین کو نان ہائی ژو داؤ (بحیرہ جنوبی چین کے جزائر) پر خودمختاری حاصل ہے، جن میں دونگ شا چھون داؤ (دونگ شا جزائر)، شی شا چھون داؤ (شی شا جزائر)، ژونگ شا چھون داؤ (ژونگ شا جزائر) اور نان شا چھون داؤ (نان شا جزائر) شامل ہیں۔ چین کو بحیرہ جنوبی چین میں تاریخی حقوق حاصل ہیں۔
چین کو نان ہائی ژو داؤ کی بنیاد پر اندرونی پانیوں، علاقائی سمندر، متصل علاقوں، خصوصی اقتصادی زون اور براعظمی شیلف پر بھی حقوق حاصل ہیں۔
نان ہائی ژو داؤ کو طویل عرصے سے عالمی برادری نے وسیع پیمانے پر چین کے علاقے کا حصہ تسلیم کیا ہے۔