بیجنگ (شِنہوا) چینی وزارت خارجہ کے ایک ترجمان نے پیر کو اعلان کیا ہے کہ چینی صدر شی جن پھنگ امریکی صدر ڈونلڈ ٹرمپ کی دعوت پر 23 سے 25 ستمبر تک امریکہ کا سرکاری دورہ کریں گے۔
چینی وزارت خارجہ کے ترجمان گو جیا کن نے معمول کی پریس بریفنگ میں بتایا کہ دورے کے موقع پر صدر شی جن پھنگ اور صدر ڈونلڈ ٹرمپ چین امریکہ تعلقات اور عالمی امن و ترقی سے متعلق اہم امور پر تفصیلی تبادلہ خیال کریں گے۔
گو جیا کن نے کہا کہ چین امریکہ تعلقات کے لئے تذویراتی رہنمائی فراہم کرنے میں سربراہ مملکت کی سفارت کاری کے کردار کا کوئی نعم البدل نہیں اور چھ ماہ کے اندر دونوں ممالک کے سربراہان مملکت کے دوروں کا تبادلہ ایک تاریخی سنگ میل کی حیثیت رکھتا ہے۔
انہوں نے مزید کہا کہ چین تزویراتی استحکام کے حوالے سے تعمیری تعلقات کو وسعت دینے، بات چیت اور تعاون کو فروغ دینے، احسن طریقے سے اختلافات حل کرنے اور دونوں ممالک کے عوام کی فلاح و بہبود کے ساتھ ساتھ عالمی امن، استحکام اور خوش حالی میں مسلسل اپنا حصہ ڈالنے کے لئے امریکہ کے ساتھ مل کر کام کرنے کو تیار ہے۔