جیو چھوان (شِنہوا) شمال مغربی چین نے ڈونگ فینگ کمرشل سپیش انوویشن آزمائشی زون سے نو سیٹلائٹس کامیابی سے خلا میں روانہ کر دیئے۔ سیٹلائٹس کو اتوار کے دن بیجنگ کے مقامی وقت کے مطابق 12 بج کر 3 منٹ پر روانہ کیا گیا۔
ان سیٹلائٹس کو لی جیان-1 وائی 18 راکٹ کے ذریعے روانہ کیا گیا جو اپنے مقررہ مدار میں داخل ہو چکے ہیں۔
ان سیٹلائٹس کو بنیادی طور پر ماحولیاتی نگرانی، آفات کی روک تھام اوران سے نمٹنے اور سائسنسی تجربات کے لئے استعمال کیا جائے گا۔
لانچ مشن مکمل طور پر کامیاب رہا۔
یہ کمرشل سپیس فلائٹ کمپنی سی اے ایس سپیس کے تیار کردہ لی جیان کیریئر راکٹ سلسلے کا انجام دیا گیا 17واں خلائی مشن ہے۔ کمپنی کے مطابق لی جیان سیریز اب تک کامیابی سے ایک خلائی جہاز اور 121 سیٹلائٹس خلا میں بھیج چکی ہے، جبکہ مدار میں بھیجے گئے مجموعی پے لوڈ کا وزن 21 ٹن سے تجاوز کر چکا ہے۔
لی جیان-1 کیریئر راکٹ کے لانچ شیڈول کو 2027 کی دوسری ششماہی تک طے کر دیا گیا ہے۔
چائنہ سائنس اینڈ ٹیکنالوجی ڈیلی نے رپورٹ کیا ہے کہ سی اے ایس سپیس چین کی کمرشل خلائی کمپنی ہے جس نے ملک کے نجی خلائی شعبے میں سب سے زیادہ تعداد میں سیٹلائٹس اور سب سے زیادہ وزنی پے لوڈز خلا میں بھیجے ہیں۔