بیجنگ (شِنہوا) چین کے اعلیٰ سفارت کار وانگ یی نے بدھ کے روز بیجنگ میں ایران کے وزیر خارجہ سید عباس عراقچی سے بات چیت کی ہے۔
چینی وزیر خارجہ اور کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ یی نے کہا کہ امریکہ اور ایران کے درمیان تنازع کا مسلسل طول پکڑنا متعلقہ فریقوں اور عالمی برادری کے مشترکہ مفاد میں نہیں ہے۔
وانگ یی نے کہا کہ چین ایران اور امریکہ پر زور دیتا ہے کہ وہ عقل و دانش کا مظاہرہ کرتے ہوئے تحمل سے کام لیں، جلد از جلد اسلام آباد مفاہمتی یادداشت (ایم او یو) پر واپس آئیں، اب تک حاصل ہونے والے اتفاق رائے کی بنیاد پر مذاکراتی نظام کو دوبارہ قائم کریں اور باہمی تشویش کے معاملات پر ٹھوس مشاورت کریں۔