اسلام آباد (نیشنل ٹائمز) پیٹرولیم مصنوعات کی بڑھتی ہوئی قیمتوں کے پیشِ نظر سرکاری و نجی اداروں کے کام کے دنوں میں کمی کے حوالے سے اہم فیصلہ سامنے آیا ہے۔14 ستمبر 2026 کے اجلاس کی روداد کے مطابق تمام سرکاری و نجی دفاتر، اسکولوں، کالجز اور یونیورسٹیوں کو ہفتے میں چار روز کام کرنے کے نظام پر منتقل کرنے کا فیصلہ کیا گیا ہے۔ذرائع کے مطابق اس فیصلے کا مقصد پیٹرولیم مصنوعات کی بڑھتی ہوئی قیمتوں کے باعث اخراجات اور ایندھن کے استعمال میں کمی لانا ہے۔اس حوالے سے متعلقہ محکموں کو ہدایت کی گئی ہے کہ وہ نظرثانی شدہ نظام الاوقات تیار رکھیں تاکہ باضابطہ منظوری اور نوٹیفکیشن کے بعد نئے شیڈول پر عمل درآمد کیا جا سکے۔نئے نظام کے حوالے سے جلد باضابطہ نوٹیفکیشن جاری کیا جائے گا، جس میں سرکاری و نجی دفاتر، تعلیمی اداروں اور دیگر متعلقہ اداروں کے لیے کام کے دنوں اور اوقاتِ کار کی تفصیلات واضح کی جائیں گی۔