ہنوئی (شِنہوا) ویتنام کے محکمہ کسٹمز کے حوالے سے مقامی میڈیا ’وی این ایکسپریس‘ نے منگل کے روز بتایا ہے کہ ویتنام نے رواں سال کی پہلی ششماہی میں چین کو 2.04 ارب امریکی ڈالر مالیت کے پھل اور سبزیاں برآمد کیں جو گزشتہ سال کی اسی مدت کے مقابلے میں 25 فیصد زیادہ ہیں۔
رپورٹ کے مطابق 6 ماہ کے دوران ڈوریان کی برآمدات گزشتہ سال کے اسی عرصے کے مقابلے میں 43.4 فیصد بڑھ کر تقریباً 98 کروڑ 80 لاکھ ڈالر تک پہنچ گئیں، ڈریگن فروٹ، کیلے اور جیک فروٹ کی برآمدات بالترتیب 16 کروڑ 83 لاکھ ڈالر، 15 کروڑ 3 لاکھ ڈالر اور 12 کروڑ 66 لاکھ ڈالر رہیں۔
ویتنام فروٹ اینڈ ویجیٹیبل ایسوسی ایشن کے مطابق ناریل اور کیلے جیسی زیادہ قدر والی اجناس کی بدولت اس سال ویتنام کی پھلوں اور سبزیوں کی برآمدات تقریباً 10 ارب امریکی ڈالر کے سنگِ میل تک پہنچنے کی توقع ہے۔