بیجنگ (شِنہوا) چینی وزارت خارجہ کے ترجمان نے کہا ہے کہ چین بھارت کی جانب سے غیر قانونی طور پر قائم کردہ نام نہاد ’’اروناچل پردیش‘‘ کو تسلیم نہیں کرتا۔
ترجمان گو جیاکن نے یہ بات پیر کے روز اس رپورٹ پر تبصرہ کرتے ہوئے کہی جس کے مطابق بھارت نے 7 اگست کو نام نہاد ’’اروناچل پردیش‘‘ میں 27 مقامات کے ’’معیاری نام‘‘ جاری کئے ہیں۔
گونے کہا کہ ’’زانگ نان خطہ چین کا علاقہ ہے۔‘‘ انہوں نے مزید کہا کہ چین میں طویل عرصے سے استعمال ہونے والے ناموں کو اپنے نام نہاد ’’معیاری ناموں‘‘ سے تبدیل کرنے کی بھارت کی کوشش غیر قانونی اور بے بنیاد ہے، جس کی کوئی قانونی حیثیت نہیں۔
انہوں نے کہا کہ اس اقدام سے بھی یہ حقیقت تبدیل نہیں ہوگی کہ زانگ نان خطہ چین کا حصہ ہے۔