بغداد(نیشنل ٹائمز)عراق کے دارالحکومت بغداد کے شمال میں واقع طاجی فوجی اڈے پر شدید گرمی کے باعث اسلحہ گودام میں آگ بھڑک اٹھی، جس کے بعد دھماکے ہوئے ۔

گودام میں نویں بکتر بند ڈویژن کا گولہ بارود موجود تھا، جو گرمی کے باعث پھٹ گیا۔ عراق میں موسم گرما کے دوران درجہ حرارت 50 ڈگری سینٹی گریڈ تک پہنچ جاتا ہے ، جس کے باعث فوجی اڈوں اور گولہ بارود کے ذخائر میں حادثات کے واقعات سامنے آتے رہتے ہیں۔