بیجنگ (شِنہوا) چین میں 2026 کے دوران خریف کی ایک اور شاندار فصل حاصل ہوئی ہے، جس کی مجموعی پیداوار پہلی بار 15 کروڑ ٹن سے تجاوز کر گئی ہے۔
قومی ادارہ شماریات کے سروے کے مطابق رواں سال موسم گرما کے اناج کی مجموعی پیداوار 15 کروڑ 7 لاکھ 50 ہزار ٹن رہی، جو گزشتہ سال کے مقابلے میں 0.7 فیصد یا 10 لاکھ ٹن زیادہ ہے۔
اعداد و شمار کے مطابق موسم گرما کے اناج کا زیر کاشت رقبہ مجموعی طور پر تقریباً مستحکم رہا اور 2 کروڑ 65 لاکھ 30 ہزار ہیکٹر پر محیط تھا، جو گزشتہ سال کے مقابلے میں 0.2 فیصد کم ہے۔ اس میں گندم کا زیر کاشت رقبہ 2 کروڑ 30 لاکھ ہیکٹر سے زائد رہا، جو سالانہ بنیاد پر 0.3 فیصد کم ہے۔
ادارہ شماریات کے مطابق فی ہیکٹر پیداوار 5 ہزار 681 اعشاریہ 6 کلوگرام رہی، جو گزشتہ سال کے مقابلے میں 0.8 فیصد زیادہ ہے۔