کیف(نیشنل ٹائمز)یوکرین کے دارالحکومت کیف پر روس نے ایک ہفتے کے دوران دوسری بار میزائلوں اور ڈرونز سے شدید حملہ کیا، جس کے نتیجے میں کم از کم 18 افراد ہلاک جبکہ 60 کے قریب زخمی ہوگئے ۔
حملوں میں متعدد رہائشی عمارتیں تباہ ہوئیں اور ایک کثیر المنزلہ عمارت کا بڑا حصہ منہدم ہوگیا۔ صدر زیلنسکی نے نیٹو سے یوکرین کے فضائی دفاع کو مضبوط بنانے کے لیے فوری اور موثر فیصلوں کا مطالبہ کرتے ہوئے کہا کہ شہریوں کے تحفظ کے لیے مزید پیٹریاٹ دفاعی نظام اور میزائل ناگزیر ہیں۔
