منیلا (شِنہوا) فلپائن کے جنوبی صوبے سرنگانی میں پیر کی صبح 7.8 شدت کے زلزلے کے نتیجے میں 15 افراد ہلاک اور کم از کم 134 زخمی ہو گئے۔
شہری دفاع کے مقامی دفتر کے ڈائریکٹر روڈریگو سوسمینا نے کہا کہ 12 ہلاکتوں میں سرنگانی صوبے میں 3 اور جنوبی کوتاباتو صوبے میں 9 افراد شامل ہیں جن میں تقریباً 7 لاکھ آبادی والے شہر سانتوس کے 7 افراد بھی شامل ہیں۔
فلپائن کی قومی آفات کی روک تھام اور انتظامی کونسل نے کہا کہ وہ ان اطلاعات کی تصدیق کر رہی ہے کہ صوبہ داواؤ آکسیڈینٹل میں بھی 3 افراد ہلاک ہوئے ہیں۔ فلپائن نیشنل پولیس نے ایک علیحدہ رپورٹ میں 134 زخمیوں کا اندراج کیا ہے۔
فلپائن کے آتش فشانی اور زلزلہ پیما ادارے کے مطابق ٹیکٹونک نوعیت کا یہ زلزلہ مقامی وقت کے مطابق صبح 7 بج کر 37 منٹ پر 33 کلومیٹر گہرائی میں آیا جبکہ اس کا مرکز جزیرہ منڈاناؤ کے سرنگانی صوبے کے قصبے ماسم کے ساحل سے 32 کلومیٹر جنوب مغرب میں واقع تھا۔