گوانگ ژو (شِنہوا) چائنیز پیپلز لبریشن آرمی (پی ایل اے) کی بحریہ کا ہسپتال بردار جہاز سلک روڈ آرک چین کے جنوبی صوبے گوانگ ڈونگ کے شہر ژان جیانگ کی ایک فوجی بندرگاہ سے روانہ ہوگیا ہے۔ یہ جہاز جنوبی بحیرہ چین اور چین کے جنوبی ساحلی علاقوں کے جزائر میں طبی خدمات کی فراہمی کے مشن پر ہے۔
یہ جہاز جزائر پر تعینات افسران، سپاہیوں اور ان کے اہل خانہ کو طبی مشاورت، جسمانی معائنہ، روایتی چینی طب کی فزیوتھراپی،سرجری اور صحت سے متعلق آگاہی فراہم کرے گا۔
اپنے مشن کے دوران سلک روڈ آرک زخمیوں کے علاج کی مشقیں اور طبی آلات کی مرمت و دیکھ بھال کے کام بھی انجام دے گا۔
2024 میں سروس میں شامل ہونے والا یہ جہاز چین کا دوسرا مقامی طور پر ڈیزائن اور تیارکردہ 10 ہزار ٹن وزنی ہسپتال بردار جہاز ہے۔
اس جہاز نے حال ہی میں اپریل میں اپنا 234 روزہ بیرون ملک طبی دورہ مکمل کیا ہے۔
ناورو، فجی، ٹونگا، جمیکا، بارباڈوس اور پاپوا نیو گنی کے مشن کے دوران جہاز پر موجود طبی ٹیم نے 26 ہزار 324 آؤٹ ڈور مریضوں کا معائنہ کیا اور 2 ہزار 724 سرجیکل آپریشنز کئے۔