فرینکفرٹ(نیشنل ٹائمز)ایران جنگ کے باعث یورپ میں توانائی اور ایندھن کی فراہمی سے متعلق خدشات بڑھنے کے بعد مصنوعی جیٹ ایندھن میں دلچسپی تیزی سے بڑھ رہی ہے ۔
جرمنی کے شہر فرینکفرٹ کے قریب ایک پلانٹ میں ہائیڈروجن اور کاربن ڈائی آکسائیڈ کو جدید عمل کے ذریعے ہوائی جہازوں کے ایندھن میں تبدیل کیا جا رہا ہے ۔ ماہرین کے مطابق جنگ کے بعد یورپ اپنی توانائی کی ضروریات میں خود انحصاری کی جانب توجہ دے رہا ہے ، جس سے اس شعبے کو نئی امید ملی ہے تاہم زیادہ لاگت اور کم سرمایہ کاری اب بھی بڑے چیلنجز ہیں۔
