لندن(نیشنل ٹائمز)ونزر کاسل میں شاہی خاندان کی سکیورٹی پر مامور پولیس افسران دوران ڈیوٹی سو گئے ، غفلت کا مظاہرہ کرنے کے اس واقعہ کی تحقیقات شروع کردی گئیں۔

برطانوی اخبار کے مطابق میٹ پولیس کی رائلٹی اینڈ اسپیشلسٹ پروٹیکشن ٹیم کے چند افسران سے پوچھ گچھ کی جا رہی ہے ۔ افسران پر اپنی پوسٹ بلاجواز چھوڑنے اور دورانِ ڈیوٹی سونے کے الزامات عائد کیے گئے ہیں۔میٹ پولیس نے معاملے سے دی انڈیپینڈنٹ آفس فار پولیس کنڈکٹ  کو بھی آگاہ کردیا ہے ، یہ جائزہ لیا جا رہا ہے کہ آیا زیر تفتیش افسران کے فرائض محدود کیے جائیں یا نہیں۔ برطانوی اخبار کے مطابق توقع ہے کہ آئندہ ہفتے کے اختتام سے قبل اس کیس کا فیصلہ سامنے آجائے گا۔ ادھر بکنگھم پیلس نے اس معاملے پر کوئی تبصرہ نہیں کیا ہے ۔