بیجنگ (شِنہوا) ایئر چائنہ، چائنہ سدرن ایئر لائنز اور شیامن ایئر لائنز سمیت کئی چینی فضائی کمپنیوں نے اعلان کیا ہے کہ 16 مئی سے اندرون ملک پروازوں کے ٹکٹوں پر ایندھن سرچارج میں اضافہ کیا جائے گا۔
800 کلومیٹر یا اس سے کم فاصلے والی پروازوں پر فیول سرچارج 90 یوآن (تقریباً 13.16 امریکی ڈالر) فی پرواز ہوگا جبکہ 800 کلومیٹر سے زیادہ فاصلے والی پروازوں پر فیول سرچارج 170 یوآن فی پرواز مقرر کیا جائے گا۔
ایسے ٹکٹ جو 15 مئی یا اس سے پہلے خریدے گئے ہوں، ان میں 16 مئی کے بعد کسی بھی تبدیلی پر نئے نرخ لاگو نہیں ہوں گے۔
اس وقت چینی ایئر لائنز اندرون ملک 800 کلومیٹر یا اس سے کم فاصلے کی پروازوں پر 60 یوآن جبکہ اس سے زیادہ فاصلے کی پروازوں پر 120 یوآن ایندھن سرچارج وصول کر رہی ہیں۔