بیجنگ (شِنہوا) چین میں پہلی سہ ماہی کے دوران ڈیجیٹل صنعت نے 95 کھرب یوآن (تقریباً 13.9 کھرب امریکی ڈالر) کی آمدنی کی جو گزشتہ سال کے اسی عرصے کے مقابلے میں 12.9 فیصد زائد ہے۔
وزارت صنعت و انفارمیشن ٹیکنالوجی کی جانب سے جمعرات کو جاری کردہ اعداد و شمار کے مطابق یہ شرح نمو گزشتہ سال کی اسی مدت کے مقابلے میں 3.5 فیصد پوائنٹس زائد ہے۔
اس عرصے کے دوران ڈیجیٹل صنعت نے مجموعی طور پر 737.8 ارب یوآن کا منافع حاصل کیا جو گزشتہ سال کے مقابلے میں 23.6 فیصد اضافہ ظاہر کرتا ہے جبکہ منافع کی شرح نمو میں 16.6 فیصد پوائنٹس کی تیزی آئی ہے۔
اعداد و شمار کے مطابق مارچ کے آخر تک چین میں 5 جی بیس سٹیشنز کی تعداد 49 لاکھ سے تجاوز کر گئی ہے۔
سال کے پہلے 3 ماہ کے دوران الیکٹرانک انفارمیشن مینوفیکچرنگ سیکٹر کی بڑی کمپنیوں کی ویلیو ایڈڈ صنعتی پیداوار میں گزشتہ سال کی نسبت 13.6 فیصد اضافہ ہوا جبکہ سافٹ ویئر سیکٹر کی آمدنی میں گزشتہ سال کی نسبت 11.7 فیصد اضافہ ریکارڈ کیا گیا۔