برسلز (شِنہوا) یورپی یونین (ای یو) کے اراکین نے فلسطینیوں کے خلاف تشدد کے معاملے پر اسرائیلی آباد کاروں پر نئی پابندیاں لگانے پر اتفاق کر لیا ہے۔ یہ فیصلہ مہینوں سے جاری تعطل کے بعد سامنے آیا ہے۔یورپی یونین کی خارجہ پالیسی کی سربراہ کاجا کالس نے سوشل میڈیا پلیٹ فارم ایکس پر بتایا کہ یورپی یونین کے وزرائے خارجہ نے اس اقدام کی منظوری دے دی ہے۔یہ فیصلہ اسرائیل کے زیرِ قبضہ مغربی کنارے میں آباد کاروں کے بڑھتے ہوئے تشدد اور بستیوں کی توسیع کے تناظر میں کیا گیا ہے۔ کالس نے کہا کہ اب وقت آگیا تھا کہ ہم تعطل سے نکل کر عملی اقدامات کی طرف بڑھیں۔