اسلام آباد (شِنہوا) چین کے امور سے متعلق وزیراعظم کے خصوصی نمائندے ظفر الدین محمود نے کہا ہے کہ چین کے سنکیانگ ویغور خود مختار خطے کی معاشی ترقی اور خوشحالی دنیا بھر کے لئے ایک مثال ہے۔ایک حالیہ سیمینار کے دوران گفتگو کرتے ہوئے انہوں نے کہا کہ یہ (خوشحالی) دنیا پر عیاں ہےاور چینی قوم کے لئے کمیونٹی کا احساس سنکیانگ کے لوگوں کے دلوں میں گہرا پیوست ہے۔پاک چین دوستی کی 75 ویں سالگرہ کے موقع پر منعقدہ اس سیمینار میں پاکستانی معاشرے کے مختلف شعبوں سے تعلق رکھنے والے 200 سے زائد افراد نے شرکت کی۔ اس تقریب کا اہتمام پاکستان میں چینی سفارت خانے اور اوورسیز چائنیز ایسوسی ایشن آف راولپنڈی نے کیا تھا۔اپنے خطاب میں ظفر الدین محمود نے کہا کہ سنکیانگ نے تیز رفتار معاشی ترقی، انفراسٹرکچر میں نمایاں بہتری اور مجموعی طور پر شاندار ترقی دیکھی ہے۔انہوں نے شاہراہ قراقرم کو پاک چین دوستی کی ایک درخشاں مثال قرار دیتے ہوئے کہا کہ سنکیانگ کے بہترین جغرافیائی محل وقوع اور ریلوے و ہائی ویز کی تعمیر نے اسے علاقائی رابطوں میں مدد دی ہے جس سے یہ خطے کا ایک اہم نقل و حمل کا مرکز بن گیا ہے۔پاکستانی عہدیدار نے اس خواہش کا اظہار بھی کیا کہ مزید پاکستانی سکالرز، میڈیا پروفیشنلز اور نوجوانوں کے وفود سنکیانگ کا دورہ کریں تاکہ دنیا کو حقیقی، ہمہ جہت، متحرک اور خوبصورت سنکیانگ کے بارے میں جاننے کا موقع مل سکے۔اس موقع پر اوورسیز چائنیز ایسوسی ایشن راولپنڈی کے صدر ناصر خان نے کہا کہ سنکیانگ تاریخی تبدیلیوں سے گزر رہا ہے جہاں تمام نسلی گروہ ہم آہنگی اور دوستی کے ساتھ رہ رہے ہیں۔انہوں نے کہا کہ بیلٹ اینڈ روڈ انیشی ایٹو کے فلیگ شپ منصوبے، پاک چین اقتصادی راہداری نے پاکستان میں استحکام، خوشحالی اور کھلے پن کو فروغ دیا ہے۔ انہوں نے امید ظاہر کی کہ مواقع سے بھرپور سرزمین سنکیانگ، چین اور پاکستان کو جوڑنے والا پل بنے گی اور دونوں ممالک کے نوجوانوں کو اپنے خوابوں کی تکمیل کے لئے ایک پلیٹ فارم مہیا کرے گی۔پاکستان میں چینی سفیر جیانگ زائےڈونگ نے کہا کہ سنکیانگ اس وقت اپنی تاریخ کے بہترین ترقیاتی مرحلے میں ہے جہاں بے مثال معاشی و سماجی ترقی، مضبوط نسلی اتحاد اور عوام کی بڑھتی ہوئی خوشحالی نظر آتی ہے۔انہوں نے کہا کہ چین پاکستان کے ساتھ مل کر باہمی تعاون کو مضبوط بنانے، اپنے اپنے قومی حالات کے مطابق ترقیاتی راستوں کو آگے بڑھانے اور مختلف شعبوں میں تعاون کو وسعت دینے کے لئے تیار ہے تاکہ نئے دور میں مشترکہ مستقبل ک ساتھ قریبی چین-پاکستان کمیونٹی کی تعمیر کو تیز تر کرنے میں اپنا حصہ ڈالا جا سکے۔